Эмилбек Кимсанов видео кайрылуу жасап, Матраимовдор боюнча буга чейин айткан сөздөрү туура эмес экенин билдирди

Бажы кызматынын Ош облусундагы мурдагы кызматкери Эмилбек Кимсанов видео кайрылуу жасады. Анда ал Райымбек Матраимов менен элдешкенин, буга чейинки айткан сөздөрү туура эмес экенин айтып чыкты.

"Бүгүн мен жөнүндө бир-эки видео чыкты. Ал эски видеолор. Эски бийликтин учурунда мага "Азаттыктан" ушундай кыйын учурда Европадан качкын кылып виза алып беребиз, ушундай сүйлөсөң деген. Дагы бийликтин бир-эки өкүлү болгон. Ким айттырганы, ким мажбурлаганы айтылат. Мен Али (ред: Токтакунов) менен дагы байланышып, мага Матраимов эч качан буйрук берген эмес деп айткам. Бул эски видео, эч кандай чындыкка жатпайт. Убакыт, сааты келгенде баары айтылат.

Бажы боюнча айтканымдын баары туура эмес. Мен Раимбек Матраимовдон эч качан жалаа көргөн эмес элем. Көрсөм дагы биз сүйлөштүк, жигитче бүтүрүшүп алдык. Бул видеолордун баары эски. Мен айткан сөздүн баары туура эмес. Мен бир аз үй-бүлөмө өзүмдөн коркуп мажбур болуп айткам. Аны бир эки өкүл айттырган. Кези келгенде ачыкка чыгат",- деди Кимсанов.