"Кумга "жардамга" деп жазып койгон". Жаракат алган адам табылып, куткарылды

Жаңы Зеландияда жаракат алган сёрфер спорту менен машыккан спортчу кумга калтырган жазуусу аркылуу куткарылды. Бул тууралуу чет элдик басылмалар жазып чыгышты.

Маалыматка ылайык, спортчу катуу толкундун кысымы астында ташка урунуп, жаракат алган. Ал жээкке жетүүгө үлгүргөн, бирок жакын жерде жардамга келчү эч ким болгон эмес. Адамдарды табууга аракет кылып, бадалдын арасынан эки сааттай басып өтүп, бирок эч кимди жолуктурган жок. Андан кийин ал киши Мерсер-Бей булуңуна барып, кумга HELP ( жардам ) деп жазып, өзү чарчап жанына жыгылган.

Мерсер булуңунун жанынан туристтик маршрут боюнча өтүп бара жаткан аял спортчунун кумга жазууну жазып бүтө электе байкаган. Ал дароо эле Пиха айылындагы сёрфинг клубуна чалып жардамга чакырган. Дайынсыз жоголгон адамды издөө үчүн атайын куткаруучулар жөнөтүлгөн. Аны таап, биринчи медициналык жардам көрсөтүшүп, алып кетишкен. Спортчу учурда ооруканада дарылануудан өтүп жатканы белгилүү болду.