Кыргыз өлкөсүнүн куткаруучулары Орусиядан окутуу курстарын өтөт

Өзгөчө кырдаалдар министри Бообек Ажикеев Кыргыз өлкөсүнүн президенти Садыр Жапаровдун Орусияга боло турган иш сапарынын алкагында кесиптеши Орусиянын Өзгөчө кырдаалдар министри Евгений Зиничев менен жолугушту.

Бул тууралуу ӨКМдин маалымат кызматы кабарлады.

Маалыматка ылайык, министрликтердин башчылары өзгөчө кырдаалдардын алдын алуу жана жоюу жаатында кызматташуу жана Орусиянын Өзгөчө кырдаалдар министрлигинин билим берүү тармактарында кыргыз куткаруучуларын даярдоо маселелерин талкуулашкан.

"Маалым болгондой, жакынкы аралыкта кыргызстандык куткаруучулар жана суучулдар үчүн окутуу курстары каралат. Ажикеев Орусиянын туруктуу колдоосу үчүн жана Кыргыз өлкөсүнө жиберип турган техникалык-гуманитардык жардамы үчүн ыраазычылыгын билдирди. Орусиянын ӨКМ башчысы Зиничев кесиптеши Ажикеевди Кыргыз Республикасынын Өзгөчө кырдаалдар министрлигинин түзүлгөндүгүнүн 30 жылдыгы менен куттуктап, Эл аралык жарандык коргонуу уюму аркылуу маселелерди илгерилетүүгө даяр экендигин билдирди", - деп айтылат маалыматта.