Бишкекте үй-бүлөлүк чыр-чатактан улам өзүн-өзү өлтүрүүгө аракет кылган жаран куткарылды

Бишкекте өзүн-өзү өлтүрүүгө аракет кылган жаранга жардам көрсөтүлдү. Бул тууралуу Милициянын кайгуул кызматынан билдиришти.

Билдирүүгө ылайык, бүгүн, 19-февралда болжол менен саат 10:00дөр чамасында Бишкек ШИИББинин "102" кызматына Ак-Ордо конушундагы ЖЭБдин астындагы чоң чуңкурчада белгисиз жаран өзүн-өзү өлтүргөнү жатат деген маалымат келип түшкөн.

Айтылган дарекке ошол замат Бишкек ШИИББи боюнча милициянын кайгуул кызматкерлери келип, маалыматты тактаганда эски казылган чуңкурчанын ичинде белгисиз жаран жаракат алып, ордунан тура албай жаткандыгын көрүшкөн.

Тактоо учурунда 1993-жылы туулган аты-жөнү белгисиз жаран үй бүлөлүк чыр-чатактан улам өзүн-өзү өлтүрүү максатында атайын ошол чоң чуңкурга кулаганы белгилүү болгон.

Бул факты боюнча Милициянын кайгуул кызматкерлери ӨКМнын жана аймактык милиция бөлүмүнүн кызматкерлери менен бирдикте чуңкурдан көтөрүп алып чыгып, "Тез жардам" унаасына салып беришкен.