Тажикстан тарап Кыргыз жарандарын барымтага алды делген маалымат айтылууда

Тажикстандын Улуттук коопсуздук мамлекеттик комитети Баткендеги кыргыздарды 16-февралда кармаган. Азыркы тапта алардын тагдыры жөнүндө маалымат жок экенин, алар дайынсыз болуп жатканын, барымтага алынды деп изделип жаткандардын биринин Досмат аттуу бир тууганы SUPER.KG порталына билдирди.

Айтымында, азыр бир тууганынан дайын жок жана ал базарга кирген боюнча кайра кайтып келген эмес.

"Баткен районунун 3 тургуну Сүйүндүк Бурханов, Саитбек Матираимов жана Довлатбек Орозов Лейлек районунун мал базарына барып мал алышып, кайра кайтып келе жаткан жеринен колго түшүрүлгөн. Андан кийин аларды Тажикстанга алып кирип кетишкен.

Окуя болгонуна бир жума болуп калды, менин иним ошондон бери дайынсыз", - деди кармалгандардын биринин агасы.

Ал эми бул окуя боюнча Мамлекеттик чек ара кызматынан такталып жатканын, жакынкы аралыкта маалымат бериле турганын кабарлады.