Садыр Жапаров: "Жакында элчиликтен паспорт жана эл аралык айдоочулук күбөлүктү алмыштыра аласыздар"

Кыргыз Республикасынын президенти Садыр Жапаров бүгүн, 24-февралда биринчи чет элдик иш сапары менен Орусия Федерациясынын Москва шаарына барды. Анда өлкө башчы Москвадагы мигранттар менен жолугушуу өткөрүүдө.

"Менин биринчи максатым элдин көйгөйлөрүн чечип, татыктуу жашоо, жана мекендештеримди өз элиме алып келсем мындан артык менде бакыт болбос. Ал күндөр дагы жакын арада деп ишенели. Мигранттардын өлкөнүн өнүгүүсүнө салымы чоң. Менин биринчи жарлыгым мигранттардын кырдаалын жакшыртуу, анда чет элдин жарандыгын алган мекендештерибизге жеңилдиктерди камсыз кылуу. Алар өлкөгө инвестиция тартууга шарт түзүүдө.

Элчиликтен берилген документтер көбөйтүлөт. Жакында паспортту жана эл аралык айдоочулук күбөлүктү ушул жерде алмыштыра аласыздар. Москвадагы консулдук бөлүмү кеңейтилет",- деди Жапаров.