Алтын Капаловага байланыштуу соттук иш жылдырылды

Бүгүн, 25-февралда энесинин аты менен берилген документтерди жокко чыгарууга байланышкан соттук отурум болбой процесс жылдырылды.

Бул тууралуу Жогорку Соттун маалымат кызматы SUPER.KG порталына билдирди.

Маалымат катчынын айтымында, Капалованын ишине байланыштуу сот 4-мартта Свердлов райондук сотунда болот.

Мамлекеттик каттоо кызматы буга чейин жарандык активист жана феминист Алтын Капаловага каршы сотко кайрылган. Кийинчерээк департаменттин директорунун орун басары Галия Аманова сотто каралып жаткан иш Капаловага каршы эмес экенин, кайра каттоону жокко чыгаруу жөнүндө чечимди сот гана чыгара аларын, анткени бул жазуу электрондук маалыматтар реестринен дагы өчүрүлүшү керектигин билдирген.

Ошондой эле Аманова бул окуяда Алтын Капалованын балдарына документти берген кызматкер кемчилик кетиргенин, ал жоопкерчиликке тартыларын кошумчалаган.