Ошто бензини түгөнүп калган "Тез жардам" унаасы боюнча Саламаттыкты сактоо министрлиги түшүндүрмө берди

Буга чейин социалдык тармактарда Ош облусунун Араван районунда "Тез жардам" унаасы чакырууга бара жатып бензини түгөнүп өчүп калгандыгы тууралуу видео тараган. Бул тууралуу Саламаттыкты сактоо министрлигине байланышканыбызда "Тез жардам" унаасынын бензини чакыруу учурунда түгөнбөгөндүгүн билдиришти.

"Араван үй-бүлөлүк медицина борборунун директору Майсал Мамытовдун билдирүүсүнө ылайык, бул "Тез жардам" унаасы Араван районуна караштуу С.Юсупова жана А.Анаров аймактарын тейлейт.

24-февралдан 25-февралга караган нөөмөттө жалпы 11 чакыруу болуп, 15 литр бензин корогон. Кийинки нөөмөттөгү айдоочуга бензинге талон берилген. “Тез жардам" унаасы май куючу жайга кетип жатып бензин түгөнүп, 20 мүнөт токтоп калган. Ал маалда чакыруу болгон эмес”, - билдиришти министрликтен.