Күрөш: "Аягына чейин аракет кылып". Амантур Исмаилов алгачкы атаандашына 2 упай айырмачылыгында жеңилип калды

Бүгүн, 27-февралда Киев шаарында украиналык көрүнүктүү балбандарды жана машыктыруучуларды эскерүү боюнча эл аралык турнирдин экинчи күндүк беттештери уланууда.

Турнирге күрөштүн грек-рим түрү боюнча катышкан 23 жаштагы белгилүү кыргыз балбаны Амантур Исмаилов грузиялык балбанга 11:9 эсебинде жеңилип калды. Кыргыз балбаны беттештин акыркы секундуна чейин аракет кылганын баса белгилеп кетүү керек.

Амантур Исмаилов быйылкы өлкө чемпиондугуна 67 килограмм салмакта катышып, анда финалда Марлен Асикеевден утулуп калган.