"Күчүм жетпей калган". Өзбекстанда сүзмөнү буту менен тебелеп жаткан аялдын видеосу тарады

Интернет желесине аялдын буту менен сүзмөнү тебелеп жаткан видеосу тарады. Андан жерге төшөлгөн ак мүшөктүн үстүндөгү сүзмөнү аял көлөчү менен басып жатканын көрүүгө болот. Өзбек басылмаларынын маалыматына ылайык, бул көрүнүш Самарканд облусунун Иштыхан районунда орун алган.

Маалым болгондой, Каллахос айылынын тургуну курут жасоо менен алектенет. Ал сүзмөнү аралаштырууга күч-кубаты жетпегенин, ошол учурда жолдошу үйүндө жок болгондуктан буту менен тебелеп аралаштырууга туура келгенин айткан. Бул учурду кошунасы видеого тартып, буга чейин мындай кызыкты көрбөгөнүн, жаман ойдо тартпаганын билдирген.

Видео интернетке тарагандан кийин тиешелүү кызматтар иш алып барышкан. Санитардык-эпидемиологиялык көзөмөл борбору буга чейин даярдалган куруттарды жана сүзмөнү жок кылышканы айтылат маалыматта.