Ош шаарында эркин күрөш боюнча Эл аралык турнир өтөт

 Ош шаарында 17-19-октябрь күндөрү спорттун эркин күрөш түрү боюнча Эл аралык турнир өткөрүлөт. Иш-чара шаардык Дене тарбия жана спорт комитети тарабынан уюштурулууда. Мелдешке жергиликтүү спортчулардан сырткары Казакстан, Тажикстан, Өзбекстан жана Орусия өлкөлөрүнөн спортчулар катышат. "Жеңүүчүлөр турнирдин жыйынтыгында уюштуруучулар тарабынан даярдалган баалуу белектер менен сыйланып, спорттук наамдарга ээ болушат", - дейт  уюштуруучулардын бири Заир Тагаев.