Артём Новиков азык-түлүктүн тартыштыгы болбой турганын айтты

Биринчи вице-премьер-министр Артём Новиков азык-түлүктүн тартыштыгы болбой турганын айтты. Бул тууралуу ал бүгүн, 4-мартта Жогорку Кеңештин жыйынында билдирди.

Ал учурда баалардын абалын турукташтыруу жана бааларды төмөндөтүү максатында бардык мүмкүнчүлүктөр иштелип жатканын белгиледи. "Өкмөт Мамлекеттик материалдык резервдер фондусунун жетиштүү запастарын камсыздоону пландаштырууда. Негизги азык-түлүк товарларына баалар кескин көтөрүлүп кеткен учурда тиешелүү кийлигишүүлөр жасалышы мүмкүн", - деди ал.

Депутат Тазабек Икрамов азык-түлүктөргө болгон баа кескин кымбаттап жатканы боюнча өкмөттү сынга алды.