"Ата Журт" фракциясы өкмөт башчынын отставкага кетишин талап кылды

Жогорку Кеңеште "Кумтөр" боюнча токтом кабыл алынар алдында турат. "Ата Журт" фракциясынын лидеринин милдетин аткаруучу Улукбек Кочкоров токтомго фракциянын талабын киргизип коюуну сунуш кылды. "Ата Журттун" талабы - өкмөт башчы Жантөрө Сатыбалдиевди отставкага кетирүү. Бул сунушту депутат Исмаил Исаков да колдоп, токтомго 1-ноябрга карата өкмөт "Кумтөр" келишимин денонсациялоо маселесин Жогорку Кеңешке сунуштасын деген пунктту да кошууну сунуштады.