Бишкекте жолдорду оңдоп-түзөө иштерине байланыштуу бир канча көчөлөрдө жол кыймылына чектөө киргизилет

Кытай Эл Республикасынын грантына жолдорду оңдоо иштери 15-мартта улантылат. Бул тууралуу Бишкек шаардык мэриясынын басма сөз кызматынан билдиришти.

Маалыматка ылайык, жолдорду оңдоо, калыбына келтирүү иштерине байланыштуу 15-марттан баштап 14 жол участогунда кыймылга чектөөлөр киргизилет. Алар:

• Каркыра көчөсү Гагарин көчөсүнөн Ак-Ордо конушунун Ак-Ордо көчөсүнө чейин;
• Түгөлбй ата көчөсү Ибримов көчөсүнөн Орозбеков көчөсүнө чейин;
• Айбийке көчөсү Гагарин көчөсүнөн Ак-Ордо конушунун темир жол өтмөгүнө чейин
• Ажыбек баатыр көчөсү Жунусалиев көчөсүнөн Арча-Бешик конушундагы Масалиев көчөсүнө чейин;
• Жунусалиев көчөсү Абдрахманов көчөсүнөн Арча-Бешик конушунун Масалиев көчөсүнө чейин;
• Стадион көчөсү Абдрахманов көчөсүнөн Ынтымак конушунун Магистрал көчөсүнө чейин;
• Көкчөтай көчөсү М.Ганди көчөсүнөн Т.Молдо көчөсүнө чейин;
• Новая көчөсү Ленская көчөсүнөн - Жеңиш конушунун Жеңиш көчөсүнө чейин;
• Койбагаров көчөсү Ж.Пудовкин көчөсүнөн Каралаев көчөсүнө чейин;
• Будённый көчөсү Чүй кең көчөсүнөн Жибек Жолу көчөсүнө чейин;
• Огонбаев көчөсү Ибраимов көчөсүнөн Осмонкул көчөсүнө чейин;
• Фере көчөсү Тоголок Молдо көчөсүнөн Курманжан Датка көчөсүнө чейин;
• Ташкент көчөсү Турусбеков көчөсүнөн Тоголок Молдо көчөсүнө чейин;
• Сухе-Батор көчөсү Каралаев көчөсүнөн Шабдан Баатыр көчөсүнө чейин.

Эскерте кетсек, Бишкек шаарынын жол тармагын өнүктүрүү долбоорунун экинчи этабы эки жылга эсептелген. Бул убакыт аралыгында 5 көпүрөнү куруу жана жалпы узундугу 70 чакырымдан ашык 60 көчөнү оңдоо пландалууда.