Дүйнөлүк саламаттыкты сактоо уюмунун өкүлү коронавирус качан жок болушу мүмкүн экенин айтты

Дүйнөлүк саламаттыкты сактоо уюмунун Европа бөлүмүнүн башчысы Ханс Клюге коронавирус качан жок болушу мүмкүн экенин айтты. Бул тууралуу чет элдик басылмалар жазышууда.

Маалыматка ылайык, Клюгенин божомолунда ковид илдети 2022-жылы жок болот. Бирок айрым өлкөлөр чектөөлөрдү тездик менен алып салса, вирус кайрадан жайылышы мүмкүн.

"2021-жыл дагы бир ковид жылы болот. Бирок илдетти алдын алууга, абалды толук башкарууга мүмкүн болот. Мисалы өткөн жылы туңгуюк абалга кептелгенбиз. Бир жылдан кийин биз көп нерселерди билип калдык. Вируска каршы куралдарыбыз бар, вакциналарыбыз бар. Ошондуктан алдын ала пландап иш жүргүзсөк, келерки жылы бул дартты толугу менен жеңип чыга алабыз", - деп билдирген Клюге.