"Мага ким чай куюп берет? Ал үчүн арыкташ да керек...". Турмушка чыккысы келбеген 7 жаштагы кыз Максим Галкиндин шоу программасына чакырылды

Казакстандык (турмушка чыккысы келбеген кыздын видеосу социалдык тармакта талкуу жараткан) 7 жаштагы инста-блогер Рамина Алмас Максим Галкиндин "Лучше всех" теле долбооруна чакырылды. Бул тууралуу казакстандык басылмалар жазып чыгышты.

Маалыматка ылайык, апрель айында Рамина "Лучше всех" шоусуна катышуу үчүн Москвага барат. Рамина аталган долбоорго катышууну абдан каалап жатат.

"Биринчи кезекте Раминанын эскермелерин сактоо, кийин чоңойгон учурда өзүн көрүшү, кандай сүйлөгөнүн, айлана-чөйрөгө кандай мамиле кылганын билсе деген ниетте баракчаны ачып бергенбиз. Телефондун эс-тутуму кызымдын бардык кылыктарын сактоого күчү жетпес, бирок видеолору сакталып калат да", - деген апасы Алина.

Рамина өзү видеосу популярдуу болгонун билбейт. Бирок анын достору көп болгонун апасы кызына айтканын жана азырынча Раминага телефон колдонууга уруксат бербей тургандыгын Алина айым кошумчалап өткөн.

Белгилей кетсек, буга чейин социалдык тармакта кичинекей кыздын турмушка чыккысы келбей тургандыгын айткан видеосу жарыяланган. Анда ал өзү үчүн жашап, каалаган убакытта тамак ичип, кааласа толгусу келгенин айтканын көрүүгө болот.