Супер-Инфо
super.kg видео
"Жергиликтүүлөрдүн сүйүктүү майрамы". Эч бир дубанда белгиленбеген Лейлектеги жумуртка уруш майрамы өттү
Лейлек районунун Кайрагач айылында жылына бир жолу март айында жумуртка уруш майрамы белгиленет.
Бул тууралуу айылдын тургуну Шахабиддин Жабаров SUPER.KG порталына айтып берди. Айтымында, бул майрам аялдардын майрамы 8-март күнүнө карата уюштурулат. Салтанат жергиликтүү жашоочулардын эң сүйүктүү майрамы жана ага катышкандардын жаш курагы чектелбейт.
"8-мартта жумуртка уруш майрамы өттү. Мен бул майрамды абдан жакшы көрөм, анткени эс тарткандан бери ушул майрамга катышам. Азыркы тапта 40 жаштамын. Биз бул майрамда жумурткаларды ар түрдүү түскө боеп, аларды уруштурабыз. Эки адам эки жумуртка алып, аларды уруштурушат. Эгер жумуртка сынбаса, ал жеңүүчү аталат, сынган жумуртканын ээси утулган болот. Ошондой эле кадимки жумурткалар сатылып, жумуртка базар болот", - деди Жабаров.
Белгилөөчү жагдай, окурмандын айтымында, бул майрам Кыргыз өлкөсүнүн Лейлектен башка дубандарында белгиленбейт.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
кошулду
0
Такыр түшүнбөдүм