Өзбекстанда губернаторлордун ар бири 100дөн кызды бекер окутууга милдеттендирилди

Өзбекстанда облус башчылары жергиликтүү бюджеттин эсебинен 100 кыздын, ал эми ар бир ЖОЖ 30-50 кыздын контрагын төлөөгө милдеттендирилет. Бул тууралуу өлкө президенти Шавкат Мирзийоев билдиргенин жергиликтүү басылмалар жазып чыгышты.

"Жогорку билим алууну каалаган, жөндөмү, билими бар, бирок тагдырдын буйругу менен кыялына жете албаган кыздарга дем берүү системи киргизилет. Тагыраагы, ата-энелеринин биринен айрылган, багуучусу жок калган кыздардын келишимдик төлөмү бийлик жана ЖОЖдордун эсебинен жүргүзүлөт. Ага ылайык, ар бир губернатор 100 кыздын окууга төлөнүүчү каражатын жергиликтүү бюджеттен төлөөгө милдеттүү, ал эми ар бир ЖОЖго 50 кыз милдеттендирилет", - деп билдирген Мирзийоев.

Мындан сырткары, Өзбекстан "Элдик банкы" ишкерлигин баштаган 70 миң кыз-келинге ушул жылдын эсебинен 2 триллион сум кредит берүүгө даяр экенин билдирди.