Өлкөгө COVID-19 пандемиясына каршы күрөшүү үчүн кезектеги жардам келди

Бүгүн, 11-мартта Европа биримдиги Саламаттыкты сактоо жана социалдык өнүгүү министрлигине COVID-19 пандемиясына каршы иш-аракетин колдоо иретинде жалпы суммасы 100 миң еврого бааланган материалдарды өткөрүп берди. Бул тууралуу аталган министрликтен билдиришти.

Ага ылайык, бул материалдар диагностикалык жана сыноолорду жүргүзүү үчүн тесттик топтомдорду камтып, 8000 ПЦР-тест жасоого жетиштүү.

Саламаттыкты сактоо жана социалдык өнүгүү министринин орун басары Нурболот Үсөнбаев Европа биримдиги тарабынан COVID-19 илдети менен күрөшүүдө кыргыз калкына лабораториялык адистердин кошумча резервин даярдап, Кыргыз өлкөсү үчүн өтө зарыл болгон акысыз колдоосу үчүн жана COVID-19 диагнозун аныктоо үчүн лабораториялык материалдар менен камсыз кылынгандыгы үчүн ыраазычылык билдирди.

"Европа биримдиги кыргыз эли үчүн ишенимдүү өнөктөш бойдон кала берет жана биз Кыргыз өлкөсүн COVID-19 илдетине каршы күрөштө колдоону уланта беребиз" деген элчи Эдуард Ауэр.

"Берилген материалдар Кыргыз өлкөсүнүн саламаттыкты сактоо тутумунун тестирлөө мүмкүнчүлүктөрүн өркүндөтөт жана жан аябас кыргыз дарыгерлерине, адамдарды коронавирус илдетинен сактоо милдетин аткарууга жардам берет. Пандемия баарыбызга терең таасирин тийгизди. бирок биз анын алып келген бардык кыйынчылыктарын жана кесепеттерин бирге жеңе алабыз", - деп жазылат маалыматта.