Супер-Инфо
super.kg видео
ЭЛДИК КАБАР: "8 балама жөлөк пул чыкпай калыптыр, буга ким күнөөлүү?" дейт окурман
SUPER.KG порталынын "Соңку кабар" бөлүмүнүн "ЭЛДИК КАБАР" рубрикасына Каракол шаарынын тургуну кайрылды. Айтымында, анын балдарынын жөлөк пулуна деп өткөргөн документи кабыл алынган эмес.
"Каракол шаарындагы социалдык өнүгүү башкармачылыгына үстүбүздөгү жылдын 3-мартында 8 балам үчүн ай сайын төлөнүүчү балдардын жөлөк пулуна документ өткөргөм. Бүгүн, 11-мартта балдарга тамак-аш алуу үчүн банкка акча алганы барсам акчам которулбаптыр.
Таң калганым балдарга эмне үчүн март айына акча которулбай калат. Мектепте жети балам окуйт, алардын кем-карчын, тамак-ашын кайсы жактан камсыз кылам, өзүбүз батирде турабыз. Электр жарыгына төлөш керек.
Бул балдардын ырыскысын тоспой, документти убагында өткөрүп койсо мындай мүчүлүштүктөр жаралмак эмес. Балдардын улуусу он беш жашта, кичүүсү сегиз айлык. Бир үйдөгү ушунча баланын жөлөк пулу чыкпай калганына ким күнөөлүү?", - дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |