"Кайрадан мыкты". Гүлжигит Алыкулов дагы бир ирет мыкты гол жаратты (видео)

Бүгүн, 13-мартта Казакстандын футбол боюнча чемпиондугу старт алды.

Биринчи турдук оюнда Алматы шаарынын "Кайрат" футболдук клубу өз үйүндө "Жетысу" клубун кабыл алды. Бул оюнга белгилүү кыргыз футболчусу Гүлжигит Алыкулов негизги курамда талаага чыгып, оюндун 72-мүнөтүндө гол жаратты.

Мындан тышкары, Алыкулов бул оюнда бир жолу голдук пас чыгарып берди. Оюн 2:0 эсебинде үй ээлеринин жеңиши менен аяктады.

Гүлжигит Алыкулов учурда Азия чөлкөмүндөгү "Жуманын мыкты оюнчусу" наамына ат салышууда. Гүлжигитке төмөнкү шилтеме аркылуу өтүп, добуш берсеңиз болот.