"Көз алдымдан". Юрий Шатунов "Ласковый май" тобунун мүчөсүнүн өлтүрүлүшү жөнүндө айтып берди

Белгилүү орусиялык ырчы Юрий Шатунов "Ласковый май" тобунун мурунку мүчөсү Михаил Сухомлиновдун өлтүрүлүшү жөнүндө "Россия 1" телеканалына берген маегинде айтып берди.

"Эртең менен болчу, мен ойгонуп эле кулакчынымды тагып отургам. Мишка (ред. Михаил Сухомлинов) тамак ичип эле эшикке чыгып кеткен. Анан эле мылтыктын үнү угулду. Терезени карасам унаа жылып кетти. Унаанын түсү, номуру эсимде жок", - деген Шатунов.

Андан кийин Шатунов дароо эшикке чыгып, Сухомлиновдун денесин көргөн.

"Карасам анын моюну электен өткөндөй, ок жок. Мылтыктан эки жолу ок атылган", - деп кошумчалаган ал.

Юрий Шатунов Михаил Сухомлинов анын колунда каза болгонун айткан.

Михаил Сухомлинов 1993-жылы 29-сентябрда Москва шаарындагы Юрий Шатуновдун үйүнүн кире беришинде өлтүрүлгөн. Музыкантты өлтүргөндөр табылган эмес.