Пекинди акыркы он жылдагы эң ири кумдуу бороон каптады

Гоби чөлүндө жана Кытайдын түндүк-батыш бөлүктөрүндө катуу шамал болуп, Кытайдын борбору Пекинди кумдуу бороон каптады. Бул тууралуу дүйнөлүк басылмалар жазып чыгышты.

Маалыматта айтылгандай, Кытай метеорологиялык агенттиги муну акыркы он жылдагы эң ири кумдуу бороон деп атады. Кумдуу бороон Бээжинди курчап турган Гансу, Шаньси жана Хэбэй провинцияларына да жайылган.

Буга чейин Монголияда да катуу кумдуу бороон болуп, кеминде 81 адам дайынсыз жоголуп, 6 адам каза болгон. Кырсыктын кесепетинен ички каттамдар токтоп калган.