УКМК: "Өлкөдөн 60 миллиард сомго жакын акчаны чыгарып кеткенге катыштыгы бар делген жаран изделүүдө"

Мамлекеттен мыйзамсыз 59 миллиард 500 миллион сом өлчөмүндө акча каражатын чыгарып кетүү фактысы боюнча Бахтияр Жолдошбаев изделүүдө. Бул тууралуу Улуттук коопсуздук боюнча мамлекеттик кызматынан билдиришти.

Билдирүүгө ылайык, УКМК Кылмыш-жаза кодексинин 319-беренесинин 1-бөлүмү ("коррупция") фактысы боюнча Кылмыштардын жана жоруктардын бирдиктүү реестрине катталып, сотко чейинки өндүрүштүн алкагында, мамлекеттен мыйзамсыз 59 миллиард 500 миллион сом өлчөмүндө акча каражатын чыгарып кетүүгө катыштыгы бар, 1973-жылы туулган Бахтияр Жолдошбаевди издөөдө.

Издөөдө жүргөн Бахтияр Жолдошбаевдин жүргөн жери жөнүндө кандайдыр бир маалымат болсо, УКМКнын нөөмөт бөлүмүнүн телефондору: 0312-62-05-85, 0312-66-04-75. Ошондой эле 0555-55-30-46 мобилдик телефону аркылуу кабарлап коюңуздарды суранат.

"Белгилей кетсек, анонимдүүлүккө кепилдик берилет!", - деп жазылат маалыматта.