"Чогуу ишкерлик кылабыз деп акчасын алган". Бишкекте алдамчылыкка шектелип 28 жаштагы жаран кармалды

Бишкек шаарында алдамчылыкка шектүү жаран кармалды. Бул тууралуу Октябрь РИИБинин маалымат кызматынан билдиришти.

Маалыматка ылайык, 13-мартта Октябрь РИИБине шаар тургуну арыз менен кайрылган. Анда 2020-жылы июль айларында чала таанышы арыз ээсинин ишенимине кирип, чогуу ишкерликти баштайбыз деп убада кылып, 3 миң 400 доллар акча каражатын ээлеп алып, качып кеткенин жазган.

Бул факты Кылмыштардын жана жоруктардын бирдиктүү реестрине 204-берене ("алдамчылык") менен катталып, сотко чейинки өндүрүшкө алынган.

Иликтөө иштеринин жүрүшүндө, бул кылмышка шектелип 1993-жылы туулган жаран кармалып, убактылуу кармоо жайына киргизилген. Учурда тергөө иштери уланып жатканын кошумчалашты.