Ошто эркек кишинин жансыз денеси жаракат алган абалда табылды

Бүгүн, 23-мартта Ош облусунан адамдын жансыз денеси табылды. Бул тууралуу Ош шаардык ички иштер башкармалыгынын басма сөз кызматынан билдиришти.

Маалыматка ылайык, Ош шаарынын Күкүм-Бий көчөсүнөн эртең мененки саат 08:00 чамасында денесинде жаракаты бар белгисиз жарандын жансыз денеси табылган.

Бул факты Кылмыштардын жана жоруктардын бирдиктүү реестрине 130-берене "адам өлтүрүү" белгилери менен катталып, кылмышты жасаганга шектүү жарандар изделип жатат.

"Бул туурасында жергиликтүү жашоочулар Ош ШИИБине кабарлаган. Жаранды кароо учурунда анын денесинин ич бөлүгүндө бир нече учтуу нерсенин кирген белгилери бар. Тиешелүү экспертизалар дайындалды. Маркумдун жашы болжол менен 30-35 жашта. Үстүндө күрөӊ түстөгү свитер, көк түстөгү спорттук шымы болгон. Кыска сакалчан. Окуянын иликтениши боюнча кошумча маалымат беребиз", - деп жазылат маалыматта.