ЭЛДИК ВИДЕО: "Көйнөктөрү көйкөлүп, адеби менен бийлешип" интернетте тойдогу видео талкууда

Интернет көпчүлүккө жеткенден бери адамдардын адаттан тыш жүрүм-туруму видеого тартылып талкууга алынып калганы баарыбызга маалым. Акыркы учурда тойлордо көңүл ачып, бийлешип элдин сынына калгандар дагы жок эмес. Көпчүлүк интернет колдонуучулар улуу муундагы адамдардын жаштардын көзүнчө, жаштардын улуу муундун көзүнчө шалактап, бири-бирине жабышып бийлегени катуу сынга алынып келет.

Бул ирет көйнөктөрүн көйкөлтүп өз адеби менен бийлеген жарандар элдин көңүлүн өзүнө бура алды. Анда көрүнүп тургандай айымдардын дээрлик бардыгы узун көйнөк кийгенин байкоого болот. Фейсбуктун колдонуучулары аталган видеону бөлүшүп сын эмес, мактаган билдирүүлөрүн жазышууда.