Өткөн суткада Бишкек шаардык “Тез жардам” кызматына 536 чакыруу түштү

Өткөн суткада Бишкек шаардык “Тез жардам” станциясына 536 чакыруу түшүп, дарыгерлер тобу анын 396сына барышты. Мекемеден билдиришкендей, шаарда акыркы суткада 4 жол кырсыгы катталды. Жибек Жолу-Курманжан датка көчөлөрүнүн кесилишинде 16 жаштагы баланы автоунаа сүзүп кеткен. Мындан сырткары 4 кылмыш катталып, 2 аял медициналык каражаттар менен өз жанын кыюуга аракет жасашса, үй-бүлөлүк пикир келишпестиктен улам 34 жаштагы киши башынан жаракат алды. 15 жаштагы бала бийик жерден түшүп кетип, сөөктөрү сынганы кабарланды.