Бишкекте 7 күндө 7 миңден ашык айдоочу жол эрежесин бузду

Бишкек шаарында бир аптанын ичинде 7 миң 93 жол эрежелерин бузуу фактылары аныкталды. Бул тууралуу милициянын кайгуул кызматынын басма сөз кызматынан билдиришти.

Маалыматка ылайык, 19-марттан 25-мартка чейин Бишкек шаарынын аймагында 7 миң 93 жол эрежелерин бузуу фактылары аныкталды.

Алардын ичинен:

1) Мас абалында унаа башкаруу - 81;

2) Унаанын алдыңкы жана каптал терезелерин караңгылатып айдоо -11;

3) Айдоочулук күбөлүгү жок унаа башкаруу - 107;

4) “Коопсуз шаар” долбоору боюнча айып пул төлөбөй жүргөн унаалар -134;

5) Башка жол эрежелерин бузуулар - 6 миң 760.

Ошондой эле 520 унаа убактылуу айып короо жайына токтотулду.