Ысык-Көлдө 2 жашар кызын сабап өлтүргөн ата-энеге кылмыш иши козголду

Ысык-Көл облусунун Ак-Суу районунун тургундары эки жашар кызын каза болгуча сабашкан. Бул тууралуу Ысык-Көл облустук ички иштер башкармалыгынын басма сөз кызматы маалымдады. 3-октябрда 2 жашар кызы шымын "булгап" койгондугу үчүн аны өз энеси менен өгөй атасы сабашкан. Окуядан кийин алар Ак-Суу райондук ооруканасына кайрылышты. Ооруканага ата-энесинен токмок жеген кичине кыз эс-учун билбеген жана сөөктөрү бир нече жеринен сынган абалда түшкөн. 2 жаштагы кыз эсине келбестен көз жумду. Ошол эле күнү кыздын энеси жана өгөй атасы кармалып, аларга кылмыш иши козголду. Энеси кош бойлуу экенине байланыштуу үй камагында, ал эми өгөй атасы Каракол шаарында СИЗОдо жатат.