Ырчы Марс сүйүктүүсүнүн колун сурады. Тойдун датасы жакында белгилүү болот

"Жылаңач баатыр" долбоорунун жеңүүчүсү, "Шаардык кыз Аида..." деп обон созгон ырчы Марс сүйүктүүсүнүн колун сурады. Орозодон кийин баш кошууну пландап жаткан ырчы менен байланышканыбызда, сүйүктүүсү тууралуу буларга токтолду.

"Сүйлөшкөн кызымдын аты Мээрим, жашы 26да. Сулуулук жаатында иштейт. Экөөбүздүн таанышып, мамиле курганыбызга 1 жылдай болуп калды. Тагыраагы, былтыр карантин учурунда Ысык-Көлдөн келе жатканда таанышып калганбыз. Жакында эле колун сурадым, эми ата-энелерибиз таанышып, сүйлөшүшөт. Тойдун датасы сүйлөшүүлөрдөн кийин белгилүү болот", - деди ал.

Ырчы 1988-жылы 10-ноябрда Бишкек шаарында төрөлгөн. Кесиби боюнча инженер-механик. Үй-бүлөдө 7 бир туугандын бешинчиси. Анын репертуарында "Аида", "Кайгырба", "Жаш кездин күндөрү", "Заман" жана башка ырлары бар.