Супер-Инфо
super.kg видео
Өзүнө эле эмес, конокторго дагы жолдомолор... Белектерге чөмүлгөн, мактоолор жамгырдай жааган Самара Каримованын тоюнан репортаж
30 жашы менен сахнадагы 10 жылдыгы бир келген Кыргыз Республикасынын Эмгек сиңирген артисти Самара Каримова Ош шаарында той өткөрдү. Шоу-бизнестин, маданияттын, жеке ишкерлердин, айтор ар тармактын өкүлдөрүнүн башын бириктирген салтанатты оюн-зооктор, ыр, бийлер коштоду.
Тойдо туулган күн ээсине батирден тартып экзотикалык өлкөлөргө жолдомолор, үй эмереги, артист көйнөктөр тартууланды.
Жергиликтүү курулуш компаниясы Ош шаарынан 3 бөлмөлүү батир тартуу кылды.
Туристтик агенттиктен Малайзия менен Сингапурга жолдомо ыйгарылса, дагы 3 жолдомону коноктор үчүн бөлдү. Ал эми Самара Каримованын чыгармачылыктагы курбулары Малайзияга жолдомо беришерин убада кылышты.
Эмерек саткан дүкөндөн ырчыга сертификат тапшырышты.
Белгилүү дизайнер-модельер Арзубек Вонама сахнага кие турган атайын форма тигип келсе, улуттук калоритте тигилген көйнөктү келген коноктордун бири берди.
Кыргыз Эл артисти Рахматулла Козукеев жакшылык ээлерин ыр түрүндө куттуктап, каалоо-тилегин кошо билдирди.
Андан тышкары продюсер Ислам Сатаров дүйнөлүк деңгээлдеги студиялардын биринде ыр жаздырып, клип тарттырып берүүнү убадалады.
Оюн-зоок менен коштолгон тойдо Анжиянга 3 жолдомо ойнотулуп, анын бирин Кыргыз Эл артисти Арзыбек Бедияров утуп алды.
Самара Каримова 30 жашын белгилеп той берди
2
1 |