Ош. Жаштар орус тилин акысыз үйрөнүүдө

Ош шаардык мэриясынын жаштар иштери боюнча комитети шаардагы "Урал үйү" коомдук фонду менен биргеликте жаштарга акысыз орус тили окутууну улантууда. Аталган окуу курсунда учурда 2 топто: башталгыч жана улантуучу топто 45 адам билим алууда. Окутуу аптасына 3 жолу болот. "Окуу курсунун жыйынтыгында жаштар тест тапшырышат. Ийгиликтүү тапшыргандарга сертификат беребиз",- дейт аталган комитеттин башкы адиси Медер Абдыманапов.