Португалияда эки айлык карантинден кийин мектептер жана музейлер ачылды

Португалияда эки айлык карантинден кийин мектептер жана музейлер ачылды. Бул тууралуу дүйнөлүк маалымат каражаттары жазып чыгышты.

Жазылган маалыматка ылайык, Португалияда бүгүндөн баштап эки ай бою жабык турган музейлер, мектептер жана кафелер ишин жандантты.

"Коронавирус илдети тез таралып жаткандыгына байланыштуу январь айынын ортосунан баштап катуу карантин чаралары киргизилген. Азыркы учурда акырындык менен чектөөлөр алына баштады. Ошого карабастан бир канча чектөөлөр али дагы күчүндө. Алсак, коомдук жайларда бет кап кийүү жана көпчүлүк адамдар аралыктан иштөөнү улантууда", - деп жазылат маалыматта.

Португалияда пандемия башталгандан бери 823 миң 300гө жакын адам аталган илдетти жуктуруп алган. Ал эми 16 миң 900гө чукул адам каза болгон.