Темир Сариев: "Кыргызстандын экономикасынын 9 айдагы өсүшү 9,2 пайызды түздү"

Бишкекте 16-октябрдагы маалымат жыйынында экономика министри Темир Сариев: "Кыргызстандын экономикасынын 9 ай ичиндеги өсүшү 9,2 пайызды түздү. Алдын ала божомол боюнча биз 7,8 пайызды түзөт дегенбиз",- деп билдирди. Министрдин айтымында, экономикалык өсүү айыл-чарба тармагында 4,2 пайыз, өнөр жайда 123 пайыз болду. 2013-жылы январь-сентябрь айларында азык-түлүктүн көлөмү 77,2 миллиард сомго барабар болуп, 34,7 пайыздык өсүштү көрсөтүптүр.