Бразилияда коронавирустун жаңы кооптуу түрү табылды

Бразилияда коронавирустун кооптуу жаңы түрү табылды, ал 18 ар башка мутацияны бириктирет. Бул тууралуу чет элдик басылмалар жазып чыгышты.

Маалыматка ылайык, Бразилиянын Минас-Жерайс штатынын борбору Белу-Оризонти шаарында табылган жаңы инфекция COVID-19дун мурун аныкталган кооптуу түрлөрүнө мүнөздүү белгилердин айкалышын камтыйт. Бул британдык, Түштүк Африка жана Бразилиянын дагы эки штаммына мүнөздүү мутациялар экендиги белгиленди.

24-мартта Индияда кош мутациясы бар коронавирустун жаңы түрү табылганы белгилүү болгон. Азырынча бийлик мутациялардын пайда болушу менен Индиянын айрым штаттарында оорунун тез көбөйүшүнүн ортосунда түздөн-түз байланыш түзүү үчүн жетиштүү маалыматка ээ эмес деп жазылат маалыматта.