Бишкекте дайынсыз болуп изделип жаткан 18 жаштагы кыз кафелердин биринен аман-эсен табылды

Бишкекте 18 жаштагы Альбина Бапиева аттуу кыз 8-апрель күнү эртең менен чыгып кеткен бойдон кайтып келбегендиги айтылып, изделип жатканы маалымдалган.

Бүгүн, 9-апрелде ал аман-эсен табылды. Бул тууралуу Октябрь РИИБинин маалымат кызматынан билдиришти.

"8-апрель күнү кыздын бир тууганы милиция бөлүмүнө кайрылып, 2003-жылы туулган Альбина Бапиева аттуу эжесин издөөгө көмөк сураган. Альбина Бапиева ошол күнү эртең менен саат 08:00дө 7-кичи райондогу үйүнөн чыгып кеткен бойдон кайра келген эмес.

Буга байланыштуу милиция кызматкерлери жүргүзгөн иликтөө жана издөө иштеринин натыйжасында кыз бир күн ичинде Ленинский айылындагы кафелердин биринен табылган. Ал Октябрь РИИБине жеткирилип, андан соң жакындарына өткөрүлүп берилди", - деп билдиришти райондук милициядан.