"Жашооңдун акыркы күндөрү менен ырахат алып ал" деди бийчи Бакыт Макеев ырчы Кудайберди Айтбосуновго

Интернет айдыңында көп талкуу жаратып жаткан ырчы Кудайберди Айбосунов менен бийчи Бакыт Макеев кечээ, 12-апрелде борбор калаабыздагы ресторандардын биринде маалымат жыйын өткөрүштү.

Эки мырзанын ортосундагы чыр башында белгисиз болуп, көпчүлүктү кызыктырып жаткан. Кечеде айтылган маалымат боюнча Кудайберди Айтбосунов бийчиге жарнамага тартылуу үчүн акча сунуштаган. Макул болгон бийчи көп күн өтпөй кайра баш тартканын айтат. Себеби башкалар ага көбүрөөк акча сунуштаган болот. Ырчы жана бийчинин ортосундагы пикир-келишпестик интернетке тарагандан кийин катталуучулар эки бөлүп беттеш болуусуна түрткү болот.

Эске салсак, бийчи Бакыт Макеев буга чейин модель Асхат Осмонов менен чырдашып беттешке чакырган. Жыйынтыгында бийчи жеңип, эки жигит дос болуп калышканын айтышкан. Интернет колдонуучулары Бакыттын бул кылыгын дагы бир хайп жаратуу үчүн кылып жатканын жазышууда. Бул канчалык калп же чын экенин билбейбиз. Бирок маалымат жыйынга чагылдыруу максатында атайын чакырылган SUPER.KG порталы репортаж даярдап келди. Анда ырчы бийчини бетке чаап жибергенин жана Бакыт Макеев Кудайберди Айтбосуновго "Жашооңдун акыркы күндөрү менен ырахат алып ал" дегенин көрүүгө болот.