UFC: Хабиб Нурмагомедовдун менеджери мушкер чет жерден мейманканага канча акча төлөй тургандыгын айтты

UFC уюмунун мурдагы жеңил салмактагы чемпиону Хабиб Нурмагомедовдун менеджери Али Абдель-Азиз мушкер чет жерде жүргөндө мейманканага түнөө үчүн канча акча төлөөрүн айтты. Бул тууралуу менеджер чет элдик спорттук басылмалардын бирине берген маегинде айткан.

Абдель-Азиздин айтымында, Нурмагомедов арзан мейманканаларды жакшы көрөт.

"Хабиб аябай эле көп киреше табат. Бирок чет жерлерде жүргөндө ал көбүнчө күнүнө 50 доллар турган мейманканада түнөйт", - деген Абдель-Азиз.

24-октябрда Абу-Даби шаарына жакын Яс аралында өткөн UFC 254 турниринде Хабиб Нурмагомедов америкалык мушкер Жастин Гэйтжини муунтуу ыкмасы менен утуп (29-0), карьерасын жыйынтыктап жатканын жар салган.