"ИИМдин имаратынын алдында эмне болуп жатат деп телефон карап отурасыз" деп депутат министрдин орун басарын сындады

"ИИМдин имаратынын алдында эмне болуп жатат деп телефон карап отурасыз" деп депутат Рыскелди Момбеков ички иштер министринин орун басары Нурбек Абдиевди сындады. Бул тууралуу ал бүгүн, 15-апрелде Жогорку Кеңештин жыйынында билдирди.

"Визасыз режим деген мамлекеттин бедели. Ачык мамлекет деген нерсе да. Кошуна Өзбекстанда 7 күндүк виза, Казакстанда 15 күндөн 30 күнгө узартты. Бизде 60 күнгө, бул көп эмеспи?", - деп кайрылды депутат.

Тышкы иштер министринин орун басары Азизбек Мадмаровду ар бир мамлекет саясатын өзү жүргүзүшү керектигин айтты. "Инвестицияга муктаж мамлекет болгон үчүн беделибизди көтөрүшүбүз керек", - деди Мадмаров.

Момбеков туристтер 60 күнгө келбей турганын белгиледи. "Чет элдик жарандардын кылмыш кылганы боюнча маалымат барбы? ИИМдин имаратынын алдында эмне болуп жатат деп телефон чукулап отурасыз", - деди депутат.

Ички иштер министринин орун басары отчётту карап жатканын айтты.