Баткенде мыйзамсыз ташылып келе жаткан 17 тоннадан ашык кургатылган жемиштер аныкталды

Баткен облусунда 17 тоннадан ашык кургатылган жемиштердин контрабандасы кармалды. Бул тууралуу Улуттук коопсуздук боюнча мамлекеттик комитетинин маалымат кызматынан кабарлашты.

Маалыматка караганда, Ош облусунун тургунунун башкаруусундагы Volvo-FN жүк ташуучу унаа кармалып, ичинен жалпы салмагы 17 тоннадан ашык кургатылган жемиштер табылган.

Такталган маалымат боюнча, кургатылган мөмө-жемиштер мамлекеттик чек арадан сырткары жерлер аркылуу коңшу мамлекеттен Кыргыз өлкөсүнүн аймагына мыйзамсыз киргизилгендиги аныкталды. Аталган унаа жүгү менен тергөө иш-аракеттери аяктаганга чейин УКМКнын "Достук" чек ара постуна жеткирилип, сактоого өткөрүлүп берилди.

Учурда бул ишке катышкан адамдарды аныктоо боюнча иш-чаралар жүрүп жатат.