Өзбекстандын Эл артисти Мирзабек Азизов каза болду

Өзбекстандын Эл артисти, Чыңгыз Айтматов атындагы эл аралык сыйлыктын ээси, мамлекеттик Мукими театрынын директору Мирзабек Азизов бүгүн, 16-апрелде 57 жаш курагында көз жумду. Бул тууралуу аталган өлкөнүн маалымат каражаттары жазып чыгышты.

Маалыматка ылайык, актёрдун өлүмүнүн себеби айтылган жок.

Мирзабек Азизов 1963-жылы 22-майда Наманган облусундагы Чуст шаарында туулган. 1987-жылы Искусство институтунун актёрдук бөлүмүн аяктаган. Азизов Юсуф менен Зулейхадагы Фараондун, Фархад менен Шириндеги Бахромдун, Нодирабегим музыкалык драмасындагы Мадалихандын, "Алпамыштын кайтып келиши" спектаклиндеги Алпамыштын образдары аркылуу көрүүчүлөрдүн сүйүүсүнө ээ болгон.

Актёр кыргыз журтчулугуна да кеңири таанымал.