Ханыша Елизавета II'нин күйөөсү ханзаада Филипптин сөөгү жерге берилди

Эдинбург герцогу, ханзаада Филипптин сөөгү жерге берилди. Бул тууралуу чет элдик маалымат булактары жазып чыгышты.

Маалыматка ылайык, пандемияга байланыштуу жерге берүү зыйнатына жүздөгөн аскерлер жана падышанын үй-бүлө мүчөлөрү гана катышты.

"Коштошуу салтанатына АКШдан ханзаада Филипптин небереси ханзаада Гарри келди. Анын кош бойлуу жубайы Меган Маркл медицина кызматкерлеринин сунуштарынан улам тажыяга келе алган эмес. Коштошуу тажыясына ошондой эле ханзааданын бир тууганы Принс Уильям жана анын жубайы Кейт Миддлтон дагы катышты.

Табыттын артынан падышанын үй-бүлө мүчөлөрү — балдары жана неберелери басышты. Ханзааданын сөөгү Виндзор сепилиндеги Георгий чиркөөсүнө коюлду", - деп жазылат маалыматта.

Белгилей кетсек, буга чейин Улуу Британиянын ханышасы Елизавета II'нин жолдошу, Эдинбург герцогу, ханзаада Филипп 9-апрель күнү 99 жашында дүйнө салганы маалым болгон. Ал эки айдан кийин 100гө чыкмак.

Эске салсак, президент Садыр Жапаров Улуу Британия жана Түндүк Ирландия Бириккен Королдугунун ханышасы Елизавета II'ге жолдошу — ханзаада Филипп Эдинбург герцогунун дүйнөдөн кайткандыгына байланыштуу көңүл айтты.