Бишкектеги үрөй учурган жол кырсыгына кабылган эки унаанын тең айдоочулары ооруканага жеткирилди

Бүгүн, 21-апрелде Бишкек шаарындагы Дооронбек Садырбаев (Баха) көчөсүндө BMW менен Lexus унааларынын сүзүшкөндүгү кабарланган. Ал эми патрулдук милиция эки унаанын айдоочулары ооруканага жеткирилгенин кабарлады.

"Болжол менен саат 09:20 чамасында Баха көчөсү менен Шорсе көчөлөрүнүн кесилишинде Lexus үлгүсүндөгү автоунаа менен BMW үлгүсүндөгү автоунаанын катышуусунда жол кырсыгы катталган.

Жол кырсыгынын кесепетинен 2 айдоочу тең ооруканага жеткирилген.

Азыркы учурда автоунаалар убактылуу токтотуучу короо жайга токтотулуп, жол кырсыгынын келип чыгуу себептери такталууда", - деп билдиришти патрулдук милициядан.