Казакстан 900 миллион киловатт электр энергиясын бере баштады. Аны Кыргыз өлкөсү кандай жол менен төлөйт?

Бүгүн, 22-апрелде энергетика тармагын реформалоо маселелери жана электр энергиясына сунушталган жаңы тариф боюнча Энергетика жана өнөр жай министри Кубанычбек Турдубаев маалымат жыйын берүүдө.

"Суунун тартыштыгына байланыштуу биз Казакстанга дагы, Өзбекстанга дагы барып, импорт кылабыз деп сүйлөштүк. Азыркы баа бизге кыйын. Сүйлөшүүлөрдүн негизинде биз товар алмашуу тууралуу чечимге келдик. Жыйынтыгында, Казакстан бизге 900 миллион киловатт берет. Биз мунун баарын быйыл алсак, Токтогул суу сактагычына суу толтура алабыз. Электр энергиясын алуунун себеби сууну толтуруу. 900 миллион киловатты 3 жылдын ичинде Казакстанга кайра беребиз. Жалпак тил менен айтканда, товар алмашуу бекер болот. Бирок Казакстандан Кыргыз өлкөсүнө келген электр энергиясынын транзитин Казакстан төлөйт. Бул 1 жарым миллион долларды түзөт", - деди министр.

Эске салсак, кечээ, 20-апрелде өлкө башчы Садыр Жапаров электр энергиясына болгон жаңы бааны сунуштаган. Анын сунушу көпчүлүк интернет колдонуучулары тарабынан талкууга алынып, нааразычылык жараткан.