"Эң көбү Жалал-Абадда". Өлкөдө сутка ичинде 1 жарым миңге чукул адам эмдөөдөн өттү

Акыркы бир сутка ичинде өлкө боюнча жалпы 1 миң 357 адам коронавирус инфекциясына каршы эмдөөдөн өттү. Бул тууралуу Саламаттыкты сактоо жана социалдык өнүктүрүү министрлигинин басма сөз кызматынан кабарлашты.

"Акыркы 24 сааттын ичинде 1 миң 357 адам коронавируска каршы эмдөөдөн өттү. Бардыгы болуп өлкөдө 13 миң 552 адам эмдөө алды", - деп билдиришти министрликтен.

Сутка ичинде эмдөө алган адамдардын ичинен: Бишкек - 217;
Ош шаары - 134;
Чүй облусу – 166;
Ош облусу - 202;
Талас облусу - 64;
Нарын облусу - 30;
Ысык-Көл облусу – 169;
Жалал-Абад облусу – 220;
Баткен облусу - 155.

Өлкөдө коронавируска каршы эмдөө 29-мартта старт алып, анда саламаттыкты сактоо жана социалдык өнүгүү министри Алымкадыр Бейшеналиев биринчилерден болуп эмдөөдөн өткөн.