Чүй ОИИББи: "Күйөөсү салган акчаны жок кылып койгон аял үйүнө уурулар киргенин айтып милицияга кайрылды"

Чүйдүн Токмок шаарында аял менен эркек тоноо фактысына шектелип кармалды. Бул тууралуу облустук милициядан билдиришти.

2020-жылдын 29-декабрында Токмок ШИИБине аял киши кайрылган. Арыз ээсинин айтымында, бет кап кийген эки белгисиз адам курал менен анын үйүнө кирип, колун аркан, скотч менен байлап, 5 миң доллар акчасын алып андан ары дайынсыз жоголушкан.

Бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынып, тийиштүү экспертизалар дайындалган. Тиешелүү ыкчам иликтөө иш-чараларын жүргүзүү учурунда кызматкерлер бул иш арыз ээси менен анын мурунку күйөөсү тарабынан уюштурулганы аныкталган.

Алар алгач кылмыштын сценарийин алдын ала түзүп алып анан аткарышкан. Себеби аялдын чет жерде жүргөн жолдошу ага акча салып турган. Бирок ал аны коротуп салып, күйөөсүнө айта албай акыры ушул ишке барганын айтып берген.

Учурда тергөө иштери улантылууда.