Шайлоонун жана референдумдун расмий жыйынтыгы качан чыгат? БШКнын төрайымынын орун басары жооп берди

3 күндүн ичинде аймактык шайлоо комиссиялары референдум, жергиликтүү кеңештердин шайлоосунун жыйынтыгын чыгарып бүтүшөт. Бул тууралуу бүгүн, 23-апрелде SUPER.KG порталына Борбордук шайлоо комиссиясынын төрайымынын орун басары Абдыжапар Бекматов билдирди.

"Аймактык шайлоо комиссияларынан протоколдорду алып келгенден кийин шайлоонун жана референдумдун расмий жыйынтыгы чыгат. Учурда аймактык шайлоо комиссиялары протоколдорду түзүп, бүтүп жатышат. 5-6 шайлоо аймактык комиссияларында референдум, жергиликтүү кеңештердин шайлоосунун жыйынтыгын чыгарышты. 3 күндүн ичинде башкалар дагы бүтүшөт. Андан соң аймактык шайлоо комиссиялары протоколдорду БШКга тапшырууну жүзөгө ашырышат", - деди ал.

Эске салсак, 11-апрелде жергиликтүү кеңештерге шайлоо жана референдум өткөн.