Актриса Женнифер Лопес сүйүктүүсүнөн эмнеге кол үзгөнү айтылды

Голливуд жылдызы Женнифер Лопес сүйүктүүсү Алекс Родригес менен сүйүү мамилесин ишенбестиктин айынын токтоткон. Бул тууралуу актрисанын курбусу америкалык гезиттердин бирине берген маегинде айтканын дүйнөлүк басылмалар жазышты.

Маалым болгондой, 15-апрелде жылдыздуу түгөйлөр сүйүү мамилесин расмий түрдө токтотконун тастыктаган. Бул кабар коомчулукту таң калтырган жок, анткени алардын мамилесинин солгундап жатканы жөнүндө ушактар ​​көптөн бери айтылып келген. Актрисанын курбусу алардын эмне себептен сүйлөшпөй калганын айтып берген.

Курбусунун айтымында, Женнифер Лопес сүйүктүүсүнө ишенбей калган. Буга Алекс Родригестин алардын мамилелерине кыянаттык кылганы тууралуу кептер тараганы себеп болгон.

"Алекс чындап эле курбумду алдадыбы же алдаган жокпу белгисиз бойдон калды. Андай нерсе болуп кетиши мүмкүн деген коркуу сезими бактысыз кылды", - деген ал.

Белгилей кетсек, Женнифер Лопес атактуу бейсболчу Алекс Родригес менен 2017-жылдын март айынан бери мамиле түзүп келген. Родригес актрисанын колун сурап, алардын мамилеси үй-бүлө курууга жакындап калган. Алгачкы жолу ресторан менеджери Охани Ноа аттуу адамга турмушка чыккан. Андан кийинки турмушун бийчи Крис Жадд жана үчүнчү турмушун ырчы Марк Энтони менен курган. Ортодо актёр Бен Аффлек, рэпер Дрейк сыяктуу атактуулар менен да сүйүү романдарын курган учурлары болгон.