Кара-Сууда 4 баланын энеси, 32 жаштагы келин өзүнүн жоолугуна асынып алды

Ош облусунун Кара-Суу районунда 32 жаштагы келин өзүнүн жоолугуна асынып каза болду. Бул тууралуу облустук милициядан билдиришти.

Маалыматка ылайык, 22-апрель күнү саат 13:10 чамасында Кара-Суу РИИБинин нөөмөт бөлүгүнө Ишкаван айылында белгисиз аял өзүн-өзү асып алганы боюнча маалымат келип түшкөн.

Аталган маалымат Кара-Суу РИИБинде маалыматтардын электрондук журналына катталып, окуя болгон жерге Кара-Суу РИИБинин жетекчилиги жана ыкчам тергөө тобу чыгып, төмөндөгүлөрдү аныкташкан.

"22-апрель күнү саат 12:30 чамасында келин унаа токтотуучу гараждын ичиндеги темир тосмого жолук менен өзүн-өзү асып каза болгон. Аталган окуя боюнча каза болгон келиндин жолдошу жана жакын туугандары эч кимге арыз доосу жок экендигин билдиришип, соттук-медициналык экспертизадан өткөрүүдөн баш тартышкан.

Маркум келин 32 жашта, Кара-Суу районунда туулган, үй-бүлөлүү, үч уул, бир кыздын апасы, убактылуу эч жерде иштебейт", - деп жазылат маалыматта.